Շատերս գիտենք, որ արդեն մի քանի տասնամյակ է, ինչ մետրոյում նկարահանումներն արգելված են, իսկ, թե ինչու՝ փորձեցինք պարզել «Կարեն Դեմիրճյանի անվան Երևանի մետրոպոլիտեն» ՓԲԸ»-ի մամուլի խոսնակ Տաթևիկ Խաչատրյանի հետ զրույցում։
Նրա փոխանցմամբ՝ քանի որ մետրոն համարվում է ռազմավարական նշանակության օբյեկտ, այդ պատճառով 1988թ.-ից ի վեր Մետրոպոլիտենում նկարահանումներ իրականացնելն արգելվում է:
«Դա բխում է ուղևորների անվտանգությունից, քանզի ուղևորները երբեմն նկարահանում են անթույլատրելի հատվածներ, այսինքն` փակուղիներ, թունելներ, գնացքից դուրս տեսարաններ, ինչը նաև մեր անվտանգությունից ելնելով է արգելվում»,-նշեց Մետրոպոլիտենի մամուլի խոսնակը՝ հավելելով, որ երբեմն քաղաքացիները, ուսանողները, լրագրողները դիմում են Մետրոպոլիտենի տնօրինությանը՝ ներկայացնելով անձը հաստատող և այլ անհրաժեշտ փաստաթղթեր, նշում, թե ի՞նչ նպատակով են նկարահանումն իրականացնում։ Ֆիլմերի դեպքում ներկայացնում են սցենարական պլան:
Սոնա Լևոնյան
Արաբկիրի Հայորդյաց Տան Լրագրության դասարան
Комментариев нет:
Отправить комментарий