Ամենավտանգավոր կերակրատեսակի մեկ բաժինն ուտողից խլում է նրա կյանքի գրեթե 74 րոպեն, իսկ օգտակար ճաշատեսակի մեկ չափաբաժնից նրա կյանքը երկարում է 80 րոպեով

Արաբկիրի Հայորդյաց Տան «Լրագրության» դասարանը ներկայացնում է նոր հաղորդաշար՝ «Սովորենք Միասին», որի ընթացքում անդրադառնալու ենք գիտական, մշակութային, սպորտային և բժշկական տարբեր ու հետաքրքիր թեմաների։

Այս անգամ մեր ուշադրության կենտրոնում օգտակար ու վնասակար սնունդն է, որին անդրադարձել են Միչիգանի համալսարանի բժիշկներն ու բնապահպանները։

Եվ այսպես, Միչիգանի համալսարանի (ԱՄՆ) բնապահպաններն ու բժիշկներն ուսումնասիրել են ամերիկացիների սովորական սննդակարգը՝ կյանքի տևողության վրա դրա ազդեցության տեսակետից։ Համաձայն ուսումնասիրության՝ ամենավտանգավոր կերակրատեսակի մեկ բաժինն ուտողից խլում է նրա կյանքի գրեթե 74 րոպեն, իսկ որևէ օգտակար ճաշատեսակի մեկ չափաբաժնից նրա կյանքը երկարում է 80 րոպեով:

Ամենավնասակարներից է, օրինակ, հոթ դոգը‚ որն արժե կյանքի 36 րոպե, Կոկա-Կոլայի կամ Պեպսիի 1 բաժակը՝ 13 րոպե: Ամենավտանգավոր սննդամթերքից է նաև երշիկեղենը, ինչպես նաև ջերմոցային միրգն ու բանջարեղենը: Փոխարենը խնձորով կարկանդակը կյանքն ավելացնում է 1 րոպե 18 վայրկյան: Ավելի օգտակար են գետնանուշը և ցանկացած տեսակի ընկույզը, ինչպես նաև ծովային ջրիմուռները:

Մանրամասները՝ տեսանյութում