ԱՀՏ Լրագրության դասարան
Հունսիս 22-ին Նկարիչների միությունում տեղի ունեցավ Իրինա Սաղյանի «Իմ ներշնչանք` իմ հայոց բնաշխարհ» խորագրով անհատական ցուցահանդեսի բացման արարողությունը: Նկարչուհին պատկերել է Արցախ աշխարհի բնությունը` տարվա տարբեր եղանակներին: Ներկայացված 54 նկարներում մեծ տեղ էր հատկացված եկեղեցիներին և ծաղիկներին։
Նկարչուհին Արաբկիրի Հայորդյաց Տան «Լրագրության» դասարանի սաների հետ զրույցում հայտնեց, որ ծնողները եղել են Արցախից, բայց ինքը մեծացել է Երևանում, չնայած Արցախում միշտ անցկացրել է ամառային արձակուրդները: Բայց և այդպես ասում է, որ մանկուց սիրահարված է եղել Արցախի բնությանը: Նկարներից շատերում են պատկերված եկեղեցիներ, սակայն նկարչուհու ամենահարազատն ու սիրելին Գանձասարի վանքն է: Եղանակներից պատկերել է գույնզգույն աշունը, ցուրտ ձմեռը, զով գարունը, բայց ոչ ամառը.
«Չեմ սիրում ամռան տապը»,-անկեղծացավ նկարչուհին։
Իրինա Սաղյանը դեռ փոքր տարիքից տարված է եղել արվեստով, հատկապես նկարչությամբ: Նկարչական կրթություն է ստացել ոչ միայն Հայաստանում, այլև Մոսկվայում: Ցուցահանդեսով հանդես է եկել նաև արտերկրում։
Նշենք, որ ցուցահանդեսը Նկարիչների միությունում կտևի մինչև հունիսի 26-ը:
Комментариев нет:
Отправить комментарий