Աննա Սահակյան
ԱՀՏ Լրագրության դասարան
Օրերս ԱՀՏ Լրագրության դասարանը հյուրընկալել էր քիթ, կոկորդ, ականջաբան Արայիկ Ղարիբյանին։ Նա հաճույքով պատասխանեց մեզ հուզող հարցերին, պատմեց իր կյանքի և մասնագիտական ուղու մասին։
Սկզբում բժիշկ Ղարիբյանը պատմեց, թե ինչպես է որոշել դառնալ բժիշկ։ Պարզվում է, երբ եղել է երեք տարեկան՝ վիրահատվել է։ Այդ հիվանդանոցում որպես մանկաբույժ աշխատել է մորաքույրը։ Վիրահատությունից հետո նա իր տատիկին ասել է, որ ցանականում է մորաքրոջ պես բժիշկ դառնալ։
Դպրոցական տարիներին սկսվում է հայ-ադրբեջանական պատերազմը, որին բժիշկը մասնակցել է։ Այդ ընթացքում նա որոշել է դառնալ ռազմադաշտային վիրաբույժ։ Սակայն այն ժամանակ Հայաստանում չեն եղել ռազմաբժշկական հաստատություններ։
Այնուամենայնիվ, նա երբեք չի հրաժարվում բժիշկ դառնալու իր երազանքից։ Տասը տարի սովորելուց հետո սկսում է աշխատել «Արթմեդ» բժշկական կենտրոնում։ Զուգահեռ դասավանդում է Առողջապահության ազգային ինստիտուտում։
Հանդիպման ընթացքում ի թիվս մի շարք հարցերի՝ հետաքրքվեցինք, թե քանի՞ տսրեկանից կարելի է վիրահատել քիթը։
ԼՕՌ բժիշկը պատասխանեց, որ նախկինում ասում էին՝ քիթը կարելի է վիրահատել 18 տարեկանից, քանի որ այդ ժամանակ երեխան արդեն ամբողջությամբ հասունացած է։
Հարցին, թե գրիպի ժամանակ քիթը շատ հաճախ փակվում է, ի՞նչ անել այդ դեպքում, բժիշկը խորհուրդ տվեց օգտագործել անոթասեղմիչ կաթիլներ։ Նա հորդորեց հնարավորինս քթով շնչել և աշխատել բերանով չշնչել։
Նա նշեց, որ ցանկալի է 3 օր մնալ տանը և բուժվել, քանի որ հակառակ դեպքում կարող ենք վարակել ամբողջ դասարանին։
Բժիշկ Ղարիբյանն անդրադարձավ նաև ականջի փայտիկների խնդրին՝ ընդգծելով, որ ականջները չի արելի ականջի փայտիկով մաքրել, քանի որ կարող է վնասվել մեր լսողությունը։ Կարելի է պարզապես լոգանք ընդունելու ժամանակ լավ լվանալ ականջներ կամ սրբիչով մի լավ մաքրել։
Комментариев нет:
Отправить комментарий