«Փոքրիկ Իշխան»-նն ու իմ տպավորությունը

Աննա Սահակյան

ԱՀՏ Լրագրության դասարան

Անտուան դը Սենտ-Էքզյուպերին ֆրանսիացի գրող, օդաչու և պոետ էր։ Նա ծնվել է 1900 թվականին Ֆրանսիայում։ Սենտ-Էքզուպերին շատ էր սիրում թռչել և իր կյանքի փորձերը հաճախ ներառում էր իր գրական ստեղծագործություններում։ 

Նա գրել է մի քանի հայտնի գրքեր, բայց ամենահայտնին «Փոքրիկ Իշխանն»  է։ Ցավոք, հեղինակը զոհվել է Երկրորդ համաշխարհային պատերազմի ժամանակ՝ թռիչքի ընթացքում։ 

«Փոքրիկ Իշխան»-ը պատմում էր մի փոքր տղայի մասին, ով ապրում էր մի փոքրիկ մոլորակի վրա։ Նա ճանապարհորդում է տարբեր մոլորակներով և հանդիպում տարբեր մարդկանց, որոնցից յուրաքանչյուրը ներկայացնում է կյանքի որոշ արժեքներ ու դասեր։ Գիրքն ուսուցանող է, հուզիչ և հարստացած է փիլիսոփայական մտքերով։ Այն ընդգծում է ընկերության, սիրո և մարդասիրության կարևորությունը։ Թեև գիրքը գրված է այնպես, որ երեխաները կարողանան ընթերցել, այն ունի խոր իմաստներ նաև մեծահասակների համար։

Ավ․Իսահակյանի անվան կենտրոնական գրադարանում, «Ֆրանկոֆոնիայի օրեր» ծրագրի շրջանակներում Լրագրության դասարանը դիտեց «Փոքրիկ Իշխան»-ը մուլտֆիլմը։ Ինձ վրա այն  մեծ տվավորություն թողեց։ Ամենաշատն ինձ դուր եկավ Փոքրիկ Իշխանի և աղվեսի խոսակցությունը, որտեղ խոսվում էր իսկական ընկերության մասին։ Այդ հատվածը շատ հուզիչ էր։ Ստեղծագործությունը սիրո և ընկերության մասին էր։

75-ամյա պապս տանել չի կարողանում տանն անգործ նստելը

Աննա Սահակյան 

ԱՀՏ Լրագրության դասարան

 Այսօր ուզում եմ պատմել իմ պապիկի մասին։ Նրա անունը Թադևոս է, 75 տարեկան է, և որքան էլ զարմանալի թվա` այս տարիքում ձգտում է աշխատել, տանել չի կարողանում տանն անգործ նստելը:

Պապիկս սկսել է աշխատել 16 տարեկանից։ Ես ուզում եմ ասել, որ իմ պապիկիս հետ շատ լավ ժամանակ ենք անցկացնում, նա մեզ ամառային արձակուրդներին տանում է գյուղ, որտեղ իր մանկությունն է անցել։ Հետաքրքիր է նրա ու տատիկիս ծանոթությունը, որի մասին տատիկս է պատմել։ Տատիկիս խոսքով` իրենց ծանոթացել է պապիկիս հորեղբայրը, ով աշխատում էր տատիկենց տան մոտ։ Նա  տեսել և ասել է, թե դու պետք է մեր տան հարսը լինես և այդպես էլ եղել է։ Տատիկս պատմում է, որ այդ ժամանակ նա սովորում էր, իսկ պապիկս բանակում էր ծառայում, ու այնքան գեղեցիկ էր, երբ իրեն տեսնելու էր գալիս զինվորական համազգեստով։